وراح هرمي

قبل فترة كم شهر كده اشتريت من محل العاب الأطفال (لحد يضحك علي)هرم من الفخار الأبيض وكانت للعبة اني اكسر الهرم بالأدوات تبعه لغاية ما القى تمثال فرعوني وحاجات تانية معاه وقعدت كم شهر كل ما فضيت وبالأصح كل ما انقهرت ولازعلت طلعت حرتي في دا الهرم المسكين وهاتك يا تكسير هههه مع انه المفروض اني انقب شوية شوية وبالفرشة ازيح الرمل الي بيطيح لكن احياناً مافي صبر ومو راضي يتكسر بسرعه يرفع الضغط مدري كيف حطوها للأطفال آخر شي في يوم من لأيام كنت زعلانة مرة ومسكت يد الهوند النحاس وسحقته هههههههههه وكسرت أبو جده وطلعت منه الي ما طلع وهادا التمثال الي طلعلي ومعاه ألوان عشان تلوينه بس الفرشة كبيرة عليه لونت شوية وجوة فيه مومياء ..الصراحه ما استمعت فيه كتير الا لمن بدأت ألونه لأني كنت اطلع حرتي فيه ههههه دحين مدري في ايش اطلع حرتي؟؟؟؟