قبل حوالي 7 سنين أيام كنت أدرس بالكلية قبل لا اتزوج كان عندي دفتر خواطر اكتب فيه وإلى الآن عندي واحد بس طبعاً واحد ثاني في يوم من الأيام طلبت وحدة من صديقاتي مني دفتر الخواطر وقالتلي :ممكن آخده معايا البيت علشان اقدر أقراه براحتي قلتلها طيب من طيب خاطر وسألتها متى بترجعه قالتلي: يومين بالكثير وارجعه لك بس ابغا اقراه على رواقة قلت:أوكهادا الدفتر كان مصدر اعجاب من كل من قرأه
بعد يومين جات فلانة وجابتلي الدفتر وقالتلي :ماشالله مرة روعة كتاباتك ومرة عجبني اسلوبك وقعدت تمدح وانا اتشققت هههه من المدح
وبعد كذا اسبوع لقيت الأخت معاها دفتر خواطر..تقليييييييييد مع انها ما كان عندها ولا كانت تقولنا انها تكتب خواطر او شي ..لقيت صاحباتي بيقروا في دفتر معجبين بالخواطر الي فيه قلتلهم لما تخلصوا خلوني اقرا ..وبعد ما خلصوا أخذته وأول صفحة قريتها وكذا صفحة بعدها ..أنصدمت واتفآجأت مرة منها انا ما اقول سرقت كلامي وكتاباتي يمكن تكون عجبتها ونقلتها في دفترها ..بس طيب تقول تستأذن ماقالت شي لما رجعته لي ولا قالت ترا نقلتها عندي ولا قالت للي قرأوا دفترها انه ترا دي مو كتاباتي..اكتفت بإباتسامة رضا من كلامهم
هذا من واقع تجربتي الخاصة..
غير الي اشوفهم يسرقوا كاركتيرات غيرهم وينسبوها لنفسهم او ينقلوا الشي من مصدر اجنبي ويسووا زيه عربي على بالهم محد يدري..والله شي يقهر
انا فكرت اني في يوم من الأيام ابغا اجمع خواطري في كتاب وطبع نسخ للبيع (طبعاً مو كلها)ولكن حتى لو بدي أبيع الكتاب دا اش ضمني محد يسرق كتاباتي وينسبها لنفسه ؟؟!! وهل صحيح حقوق الطبع تنحفظ لصاحبها ؟ولو احد نسبه له هل فعلاً ممكن آخذ حقي منه؟؟ولا بس كلام لأني مالي خبرة في دا المجال
3 comments:
عادي يا اختي تصييير وتصييير
وهذا بالفعل الشي اللي يقهر في مجتمعنا العربي
مااافي ابدا حقوق محفوظة
وزي ماقلتي مو بس في مجال الكتب
في كل شي الكتب والرسم والالحان والبرامج ووو ... الخ
طبعا انا ماعندي خلفية عن مقاضاة شخص بسبب سلبه لحقوق احد بس اقلك حتى لو كان فيه .. مع مجتمعنا ماتاخدي لا حق ولا باطل
الشكوى لله !!
صح كلامك انا نفسي اننا نبدع بنفسنا من غير تقليد
صح والله وقهر انك تشوفي كتابتك في مكان تاني وماهي باسمك.... في ناس ما عندهم امانه ويحبو يطلعو على ضهر الناس....
وانا كمان ما عندي خلفيه عن حقوق الطبع المحفوظه
واتمنى اني اعرف عشان احافظ على حقي
Post a Comment