جاتني الزكمة

شكلي بالزبط زي دي البنت المنديل لاصق في خشمي شفتوا لمن الخشم بس يكون سايل وتسدوه بالمناديل كده شكلي وانا اكتب وبس اعطس وعندي كحة كمان قعدت امس مع الأولاد وانا اكحكح وجنبي مناديل وقاعده اسوي كروشيه ههههههه شكلي زي العجايز باقيلي كرسي هزاز والله اظني كنت قاعده من جد على كرسي هزاز ههههههههههه
خلص اليوم وعيوني دخلت في بعض من التعب (تعبير مجازي)احس ادني مضغوطة كأني طالعه الطايف ولا طيارة
الحمد لله كلنا زكمنا حتى زوجي وأولادي
ابشركم ماتت وردتي الي في البوست الي قبل مدري كم يوم
امزح
هي ماتت صح بس انقهرت ماتت بسرعه كان شكلها حلو
تدروا اسعار التلفزيونات نزلت كتييييير عن زمان خاصة
عاد نحن تلفزيوننا ماشالله عملاق وبروجكتر فالصورة مو مرة واضحه صراحه انا مو النوع الي لازم تلفزيون كبير بس لما رحنا نبا نشتري واحد فلات حسيت الفرق من جد وضوح الألوان يفرق المهم بعنا القديم واشترينا واحد فلات الفرق شاااااااسع كمان خلى مساحه زيادة في الصاله وحسيتها وسعت بس مافي انزل صورته لما افوق واروق انشالله احطها