طبعاً ماشالله أيادي الحلوين الي عندي خلت الحاجز دا شي رهيب فبعد الي صرله ما صار حاجز ابداً مدام كل شي باين من وراه علشان كده قررت اعمله مايك اوفر
اول شي قشرته كله بما انه ما ينفع وهو مرقع وجبت ورق ابيض من ايكيا يتباع ركن الأطفال وقست الفريمات تبع الحاجز ولصقتيهم ببعض وبدأت ارسم رسمه عاجباني ونقلتها على كبير هادا بعد التغيير حسيته مو مرة حلو بس ماشي حلو احسن من المخرق حق اول ههههه تقريباً يعتبر ثيم ياباني ودي البنت اليابانية إش رأيكم مو شغل بروفيشنال ما عجبني كتير
لي كم يوم وبشتغل في كذا شي ولا واحد فيهم ما خلصتهم واخيراً خلصت واحد شي
آخر أعمالي
الشنطة دي قعدت فترة وقف التنفيذ بسبب الشي الي ما احبه (السسسسستة)وكل ما ارجع اشتغل فيها افتقها سبعين مرة عشان السستة مو راضية تزبط واخيراً بعد ما جاني الضرحرح خلصتها وزبطت السستة لكن شكلي لن اكرر المحاولة قريباً هههه الشنطة ب70 ولازم تشوفوا السستة
بعد انقطاع دام اسبوع او اكثر بسبب عطل في النت لدي عدت اليكم من جديد فرحانة انا ووجهي عندي كم موضوع راح انزلهم لكن لسه ما نزلت صور على الجهاز لكن من احداث اليوم المهمة انه عبودي بدأ يستكشف انه الشنب من علامات الرجولة وبدأ يسأل متى يطلعله شنب ههههه يختي عليه بعدين شفته وصورته بدون ما يدري طالعوا كويس في المراية مبين وجهه معليش التصوير مو مرة لأنه بالجوال ترا قاعد يدور الشنب هههههه
اليوم في الصباح بعد ما راح عزوز المدرسة جيت انام واسمع صوت تخبيط قوي على المكيف وعلى الشبابيك قمت مفجوعه طالعت من الشباك لقيت بررررررررد يالله مرة مرة من زمان ما شفت برد وأول مرة في الشرقية من يوم ما اتزوجت أشوف فيها برد مرة فرحت وعلى طول فتحت الشباك وقعدت استمتع بالمنظر وجبت الكاميرا اصور كالعادة بس خسارة الصور مو مرة واضحه البرد طلع صغير في الصور رغم انه حجمه كان كبيريمكن لأنه بعيد ومع الزوم صار مو مرة واضح وكان برد زي الثلج لونه ابيض مو شفاف يعني كأنه نزل عندنا ثلج كان نفسي اطلع السطوح ولا انزل حوش:( حاولت مديت يدي قد ما اقدر من الشباك ابغا القط واحده بس ماقدرت ومن الفرحة كنت أقول لأبو عزوز شوف شوف وحده كبيرة وهنا نزلت كمان واحده اكبر وصوتي عالي من الحماس في الشباك ههههههه وهو يقلي وطي صوتك ترا في ناس تحت خخخخ شوفوا الصور واتخيلوا الحبات كبار ههههه ملاحظة :الصورة الي فوق مقلوبة
Saturday, April 11, 2009
هادي الصورة صورتها زمان بس حبيت اجرب عليها شي وهو اني احطلها برواز ولآني مني فالحه في الوفوتوشوب (ألي ودي اتعلمه بس بعض الناس ما اعطوني وجه) دخلت الفوتو بوكيت تبعي وكان فيه خيارات جديده للصور منها تحطي براويز لصورك والكتابة عليها عجبتني الفكرة وهادي أول تجربة يعني مو ديك الحرافة ابداً اش رأيكم؟
ماشالله هادي الرسمة عزوز رسمها في سبورته كان لحاله بيرسم ..الغريب اني لما تفرج عليه وهو بيرسم يرسم شخابيط وحاجات عادية بس لما يكون لحاله ويرسم بكيفه تطلع المواهب .في الصورة رسم نفسه وهو بيلعب مع هاله أحلى شي الخدود الموردة هههههه
وبسبب انه عينه حساسة من النور القوي سرت ما اخليه يلعب كتير قيم بوي او يتفرج كتير نص ساعه بس مرة كانت عينه تدمع وهو يلعب مع انه ما لعب كتير فلبسته النضارة الشمسية شكله تحفة ارتاح معاها وهو يلعب بس برضه ما خليته كتير معليش على الصورة الي بالفلنية العلاقي الولد حراااان ههههههه شوفوا الرجول من الحماس ههههه
تضحك اشكالهم مو؟ الأقنعه دي جات مع مجلة جاتهم هي هدية قناع عزوز توم له حدود علشان يطلع بس اضغط عليه ويطلع ..وحق عبودي صورة في الغلاف بس ما يطلع عاد حيزعل ليش هو ما عنده قناع قمت قصيتله هو وفرغت العيون قام الا والا فرغيلي الخشم زي عزوز وخشم ميكي كبير وفرغته لاحظوا خشم عبودي طالع ههههههههههههههههه وتوم الي يضحك وسنونه باينه ههههههههههه فطست عليهم وانا اصورهم
اول شي قشرته كله بما انه ما ينفع وهو مرقع وجبت ورق ابيض من ايكيا يتباع ركن الأطفال وقست الفريمات تبع الحاجز ولصقتيهم ببعض وبدأت ارسم رسمه عاجباني ونقلتها على كبير
هادا بعد التغيير حسيته مو مرة حلو بس ماشي حلو احسن من المخرق حق اول ههههه تقريباً يعتبر ثيم ياباني
ودي البنت اليابانية
إش رأيكم مو شغل بروفيشنال ما عجبني كتير
