واااااااااو

غرف دورا حلوة الوانها جميلة

دي التنورة مع اكسسواراتها عجبوني

عجبني دا الحمام الوردي وانا اتصفح في النت لقيت اشياء حلوة وكيوت

ودي الجلسه حلوة كمان

ودمتم سالمين

ديكوباج

الديكوباج فن رائع عجبني كتير ومن زمان وأنا ابغا احاول واخيراً حاولت طبعاً المرة الأولى ماراح يزبط كل شي مرة وحده انما عنلتها للتجربة واستمتعت بالعمل صراحه حلو ومسلي خاصة اني دي اليومين بعلم ولدي عبودي على الحمام الله يعزكم ومعذببببببببببني الله يهديه بس انشالله اتم المهمة على خير وما استسلم تحت الضغط والتعب
المهم كأني خرجت عن الموضوع
هادي صورة الديكوباج على غطا علبه ادري مو مزبط بس هي اول محاولة
وانشالله القادم أروع

ديكور وألوان

تعجبني بعض الألوان مع بعضها اكتر من انها تكون لحالها مثلا السود والأبيض الوردي والأزرق البنفسجي والرمادي الأزرق البحري مع الليموني
في جده رحت صالون عجبني ديكوره وألوانه شوفوا كيف ألوانه مرة حلوة

كمان عجبني ديكور مطعم صيني في مكة رحناه حلو وكشخة واسمه المطعم الصيني حتى اذا تبي تنادي الجرسون فيه جهاز صغير على الطاولة تضغطي عليه ويجيك وقت ما تبي حاولت اصوره بس الصورة ما طلعت مرة واضحه دي الصورة في الغرفة الي كنا قاعدين بناكل فيها ودي البوابة مكان دخول الغرفة اضاءة حلوة كمان الممر كله من دي اللمبات الطويلة الي مبينة من تحت الباب حاولت اصور الممر بس فيه واحد زغرلي قمت خفت وما صورت ههههههه

عدت بالسلامة والحمد لله

سوري الصورة مو راضية تنزل تحت

رجعت من السفر والحمد لله انبسطت وشفت صاحباتي واهلي والأحباب آخر يوم سويت عمرة وألتقطت بعض الصور

هادي جنى ونحن في العمرة

في الرجعه صورت الغيووم من الشباك كان شكلها حااااالم وحلو

أنا مرة أحب جده حتى لو ماسافرت بره تكفيني جده بس نصيحه لا تسافروا بطيران سما خاااايسة ومو منظمة واكره شي تأخيرهم للرحلات احد يأخر رحلة خمسة ساعات وكذا مرة تأخيرهم
الله كريم دايماً والله قادر على كل شئ رمضان قرب وان شالله عبادتنا لله تقرب وكل سنة وانتم طيبين

tirp

tomorrow in shall ah i will go on a trip so, sorry for every thing and sorry for not posting for a week or so ...

واخيرا فستاني

تتزكروا فستان الدورة الي اشتركت فيها قبل فترة خلصتو اخيييييييييييرا بعد ما طلع عيني

شو رايكم؟

رحلة بحرية

الويك اند كان عبارة عن رحلة بحرية انبسطوا فيها الأولاد والحمد لله اترك الصور تعبر

وعبودي ما كان عاجبه ولاااااااشي كل شي لالألألأ شوفوا بالله شكله كلهم بيسبحوا نقله تعال زعلان ويقول لا

عزوز يخاف من الأصوات العاليه ومرررة كان خايف من الدباب بس اتشجع شوية شوية مع الأطفال ومع تشجيع الكبار وسار يسويلنا حركات

فستان من صنع ايديا

خيطت هادا الفستان من فترة ونسيت انزله وانشغلت اليوم اتزكرته