اللهم اعنا على صيامه وقيامه

واخيييييييييرا خلصت من شنطتك يا اودة

أخيرا خلصتها لها دهر بسوي فيها
دي شنطة لاب توب اودة
بس ماراح اعطيها هي الا لما تعطيني الشي حقي الي عندها وضيعته هههههههههههههههههه هي تعرف

كل سنة وانا طيبة

احب اصور الورد ..خاصة اني مررررة احبه وعلى مر السنين صورت ورود كثيرة في مناسابات كثيرة وهادي بعض ماصورت وبمناسبة الورود احب اهنئ نفسي بعيد زواجي هههههه الي قبل كم يوم

هابي بيرث دي تو يو

أمس كان عيد ميلاد عزوز
كل سنة وانت طيب يجعل ايامك كلها سعاده يارب وعقبال العمر كله يارب

عبودي مسكين تعبان طول الليل وهو يستفرغ ووديناه الطوارئ شكله يحزن الله يقومه بالسلامة يارب

أفكار حلوة

- ضعي فيها مقداراً من الماء مع الخل لتلميع الزجاج واضفاء البريق عليه - ضعي الزيت في إحدى هذه العبوات، واستعمليها لرش الزيت بكميات قليلة في قاع إناء الطهي للتحكم في كمية الزيت بسهولة إذا كنت تتبعين حمية غذائية، وهي طريقة ممتازة لرش صواني الخبز بشكل متساوي لمنع الكيك والمعجنات من الالتصاق في قاعها، وكذلك لرش زيت الزيتون على السلطات بكميات معتدلة
ضعي بها مقدار من سائل الجلي وقليل من الكلوركس تسهل عليك تنظيف اسطح المطبخ
املئيها بماء الورد ورشي بها وجهك قبل النوم وبعد الإستحمام فعدا الرائحة الطيبة يعتبر كتونيك طبيعي قابض للمسام
ممكن وضع ماء بها مع قطرات منعم الغسيل لتسهيل الكي ويعطي الملابس رائحة جميلة
منقوووووول
قرأت ايضاً انه ممكن علبة المستطردة بعد ما تخلص تصير علبة للشيرة تسهل العملية في الصب
وعلبة الملح تصير لرش الدقيق مثلا في العجن
اممممم اش كمان
ممكن استعمال القطاعات تبع البسكوت للبطاطس والجزر للشربة لما نعملها للأطفال
ابرة الدوا تنفع لحشو بعض الحلويات بالتوفي او الكريمة
هذا الي يحضرني بالذاكرة حالياً اتمنى انكم تستفيدوا من الأفكار مثل ما استفدت

ميك أوفر

هادا لاب توبي بعد التغيير

حلى التراميسو التقليد هههه

المقادير:2باكيت كريم كارامل
3باكيت دريم ويب
2علبة قشطة
علبة جبنة فيلادلفيا صغيرة
كوب و ربع حليب بارد
7باكيت اصابع طويلة مكتوب اسمه رينغو بس مالقيت فاشتريت ويفر ماستر
نصف باكيت بسكوت شاي
قليل من الحليب والنسكافيه للتغميس
كاكو بودرة غير محلى للتزيين

الطريقة:وهي
نخلط الحليب البارد مع الدريم ويب حتى يغلظ قوامه ثم نضيف الجبنة والقشطة والكريم كارامل ونضعه بالفريزر
نحضر صينية متحركة القاعده ونصف بسكوت الشاهي في القاع بعد غمسه بالحليب والنسكافيه ونترك من الجوانب مسافة لوضع بسكوت الأصابع داير مدار الصينية ناشفاً دون تغميس
يوضع جزء من الخليط فوق البسكوت ثم طبقة بسكوت شاي ثم الخليط
يعني بسكوت-الخلطة-بسكوت -الخلطة
ثم نرجعه الفريزر لمده 4 ساعات
يترك خارجاً قبل التقديم قرابة ربع ساعه ثم تفتح الصينية ويرش الكاكو على الوش

انا عملته وطلع لزيييييز وهادي صورته

الأولمبيات

كنت امس بتفرج على حفل افتتاح الأولمبيات صراحة قمة في الإبداع استفادوا من الأعداد الكبيرة الي عندهم وصنعوا منها شكل ابداعي وفني وطلعوا في الحفل كل قوتهم في الفن والإبداع واكثر ما ميزهم كان استخدامهم الكتلة البشرية في صنع لوح فنية متحركة الي يشوفها يحسب انها تكنولوجيا وحاسب صراحة اقول انهم اتفوقوا فعلا على نفسهم انا قعدت اتفرج على العرض ومرة نسيت اصور منه شي صورت على النهاية كم صورة بس واحلى مقطع عجبني الرجال الي كان حامل الشعلة وخلوه يطير فوق وخلو خلفية الشاشة كأنها ارض مفروشة وهو يحرك رجله فصارت كأنه بيمشي عليها مرررة فكرة رهيبة

فعلا شعب متميز بأفكاره الصور الي شايفينها كلها معمولة بالناس هههه

ويك اند

رحنا الويك اند البحر..طبعاً الأولاد اكثر شي انبسطوا مع البحر والرمل ..
وهادي الوجوه النيرة قبل نزول البحر الله يديم عليهم البسمة

سلامات يا اختي

سلامات يا اختي على ضهرك وما تشوفي شر وتقومي بالسلامة جاها تمزق عضلي بسبب خبطة على طرف السرير
وتحتاج للراحه كم يوم

أمنياتي

واجب جديد وصلني من مدونة اختي اودة

الواجب يقول :

- في مدونتك أكتب الشروط ، وعشرة آمال تتمناها في حياتك .
- إختر 5 أشخاص آخرين ليقوموا بحل هذا الواجب وضع رابط مدوناتهم أيضاً .

- أخبر الأشخاص الــ 5 بأنهم أختيروا لحل هذا الواجب

1. أتمنى في الحياة:أن يكون ربي راضي عني دائماً
2. أن انجح في تربية اولادي وانجح في ان اكون زوجة
   
3. ان نعيش اسرة متماسكة على طول ولاييفرق بيننا عوامل او ظروف
4. أن يكون لنا منزل خاص بنا
5. أن ارى الناس يعاملون بعضهم بدون كلافة وبدون نميمة
   
6. أن اكبر وانا بعافيتي وصحتي
7. ان يكون لدي وقتي الخاص بنفسي
8. ان ابرع في مجال الطاقة والمعالجة عن بعد
9. أن يلتم الشمل بدون ضغينة واحقاد

أن اكون قوية وجريئة في بعض الأمور(أمرر الواجب لروزي بينك دريمز* وأمل المشاعر*رد روز

1. ا
   

حفلة تنظيف وترتيب

دي الفكرة شفتها في واحده من المنتديات وعجبتني دي حديدة علاقة ملابس بس ثبتت عليها صاحبة الموضوع اغطية القدور
من بداية دا الأسبوع قرأت موضوع لوحده في النت نظفت بيتها كله ..
القصة انها كان عندها شغاله معتمده عليها بالتنظيف اكثر شي وسافرت الشغالة واتكركب الوضع عليها وعندها بنت وولد بالمدرسة ومرة من المرات جات صديقتها عندها وصار شي اضطروا انهم يدفوا دولاب واكتشفت انواع الوساخة تحته واتفشلت وصديقتها هادي تمون عليها ..قررت انها تمسك البيت غرفة غرفة وتبدأ تنظف بذمة خاصة انها اعتمدت على الشغالة واهملت كثير في البيت فكانت حتى الملابس تطلع اقرب لبس وتلبسه وملابس اولادها نفس الشي حتى ما تكوي واهملت واهملت لين خلاص هي طفشت من نفسها ومن الغبرة والقرف وصديقتها قعدت تنصحها وتكلمها وتقول مايصير كده المهم اتفقوا من تاني يوم يبدأو حفلة التنظيف اليوم الأول قعدوا 5 ساعات طبعاً تنظيف حتى للجدران والمراوح وتحت الكنب والدولاب وكل دولاب اتنكت واترتب الي ماله داعي اترمى والي له داعي اترتب واتنظم ..
أختكم بالله اتحمست وقلت خليني ابدأ حفلة نظافة يعني مو التنظيف العادي لا اكثر..
بدأت بالمطبخ وما ادراكم ما المطبخ فتحت دولاب القهوة والشاهي والبساكيت والشوابير(جمع شابورة ههه)رميت الي منتهي مدته والي محطوط في اكياس زي المكسرات او محطوط في كراتين فضيته وحطيته في تبرويرات عشان يترتب وما ياخد مساحه خاصة اني لقيت كذا كيس من المكسرات فجمعتهم كلهم بعلبة واحده بدل الكركبة بعدين دولاب الصحون والقدور كلهم طلعتهم ومسحت الدولاب ورجعتهم

أما الفرن آآآه من الفرن انا طول عمري اغسله بطريقة عادي عمري ما انتبهت للأركان والزيت الي بيتجمع حولين مكان صمام فتح الغاز قد ما انظف فيهم ما يطلعوا قلت خليني اجرب بالسكينة حكيت الحواف وطلعت الدهون اللاصقة زي الخيط وقرفت مرة المهم جبت جف لإزاله الدهون بعد ما حكيت الأطراف وصمام فتح الغاز وغرقته وبالسلك حكيت ....والله صار ابيييييييييض يلق انا لسه ما خلصته بس حمستني النتيجة اكمل لأني امسك كل يوم كم دولاب بس والله الفرن كأنه جديد كل شوية اطالع فيه أهم شي بعد القلي نمسح اطراف الفرن لأننا ما ننتبه لدي المناطق


انشالله اذا خلصت المطبخ ببدأ بغرفة النوم في فكرة عجبتني لتطبيق البديات او التيشرتات عشان لاتكركبي الدولاب شوفوها في الصورة

يالله اشوفكم على خير

لمسات

غرفة اولادي عملت فيها اشياء كثيرة وكانت اول تجربة طلاء على جدار فيها وكانت النتيجة لابأس بها
أمس اضفت لمسات بسيطة عجبت الأولاد شوفوها في الصور

ودا الجدار التاني

جسر التواصل مع الله

قرب شهر رمضان وجا وقته في نص الإجازة السنوية كتير ناس قالوا مو حلو في الإجازة بالنسبة لي ..ماتفرق المهم جاتني فكرة حلوة وقلت اشارككم بيها ممكن تستفيدوا منها وتآخدو الأجر والثواب مع حلول رمضان المبارك تعرفوا في ناس كتير مساكين وفقراء وممكن دا الوقت الي عنده شي زايد ..ملابس ما يحتاجها..العاب اطفال ما صاروا يلعبوا بيها..ملابس شتاء بطانيات..اي شي أهم شي يكون نظيف ومرتب لأن بعض الناس الله يهديهم يتصدقوا بملابس مقطعه ووسخة بعضها ما تنفع حتى خرقة حرام عليهم هدول برضوا ناس ولا عشان ما عندهم ..الفكرة الي ابغا اقلكم عليها هيا انه مثلا كل واحد يجمع الي عنده ملابس مثلاً يمسكها يفندها الي مقطع يرميه ولا يسويه خرق والي كويس يخليه والي في عيوب بسيطة يصلحه ويغسل الملابس بعدين تنكوي ووتطبق ووتنحط في كيس شفاف زي حق المحلات معاها بطاقة معايدة والي يبغي يضيف زيادة يضيف مثلاً يتلف الكيس بشريطة حلوة ومرتبة كأنه هديه ونفس الشي للألعاب نرمي المكسر والخربان ونخلي الكويسين نحطهم في علب او اكياس حلوة نحط عيديات بالموجود عندنا ممكن ننثر عليها شي يلمع ونرفقها مع الملابس ماتدروا انت بعملكم هادا قد ايه تآخدوا أجر والصدقة تطفئ غضب الرب وتدفع البلا بإذن الله وكمان تآخدوا أجر كبير بعمل بسيط وتفرحوا قلوب ناس محرومة

يالله شدو الهمة

إلى اودة

لقيت صورة لعبودي مو مهزوزة بس علشان خالة اوده لا تزعل مننا
على فكرة لما رحت لمكة في بيت اهلي كانت في قناة اسمها طيور الجنة مرة عجبت الأولاد كل ما طفشوا سنتروا عندها بس اناشيدها تلصق في المخ صرت امشي واغني ااااه يا جزائر اااه يا جزائر ولا يابابا تلفون..إلو مو هون ولا مرة طلعنا ومشينا مشوار بسيارة لينا هي هاااااي هي هااااي
ههههههه
ودي ابتسامة لها من بيتهاا

ربنا ما يحرمناش منك يا اوختي

تابع

كان فيه مجمع حلو في جده اسمه رد سي حلو في النهار لأنه كله قزاز من فوق وتدخل الشمس والمطاعم فوق طبعاً فمع الشمس تصير القعده حلوة
ودا مكان في نفس المجمع دعاية لعطر واحد بس

عزوز يحب دي اللعبة مرة وكل مارحنا مكان فيه ملاهي لازم يلعبها

مبروك يا اختي

حبيت ابارك لأختي تخرجها اخييييييييرا الحمد لله افتكيتي عقبال الوظيفة

عدنــــــــــا

عدت والعود أحمد

والحمد لله كانت سفرة جميلة زرنا فيها الأهل والأقارب وتمشينا هنا وهناك سأضع لكم بعضاً من الصور على مراحل..وهذه بعض مناظر من السفر
هذا شروق الشمس في الرياض

وهذا شروق الشمس في مكة

من مكة الغالية

انقطعت كتير عن البلق بسبب أسناني
لكن حتغيب عليكم كمان اسبوعين لأني في مكة ولما ارجع اوافيكم بالجديد
انشالله

آآآآآآخ من ضرس العقل

مسويتلي أزمة ضروس العقل طالعين مايلين على جنب وداخلين في الخد من جوه وسووولي التهاب ورحت للدكتورة وقالتلي الضرسين لازم خلع وخلعت واحد اليوم وخيطته الألم بدأ بعد فك البنج وخدي منفوووووخ كأني سمنت اتزكرت دي الصورة الي تجي دايماً حق خلع ضرس العقل

الله يستر من الضرس التاني يبغاله جراحه غير الخياطة

واجــــــــــــب ---اتصلح الكلام----

أفضل مرحلة تعليمية درستها ؟

هادا واجب المدونات والمدونين كل واحد يمرره للي يحب بعده وجا الدور علي

الأسئلة:

الصراحه كانت المرحلة الثانوية رغم ان السنة الأخيرة كانت فيها شوية مشاكل مع الصاحبات لكنها عموماً احلى مرحلة دراسية فيها سويت كل شي بكل براءة وكنت اعتبر الأشياء الي كنت اسويها مصايب لو احكيكم عنها تضحكوا علي تقولوا هادي بالله مصايب..الجامعه كانت حلوة كمان بس كنت فيها ناضجه اكثر الثانوية كان فيها استهبال كتير خاصة ثانية ثانوي

أسوأ مرحلة تعليمية مرت عليك ؟

الإبتدائي _رغم اني كنت في مدرسة اهلية وكانت مدرسة حلوة الا اني كنت بنت خجولة وهادئة ما عندي صاحبات الا وحده بس وكان ما عندي ثقة في نفسي وكانوا البنات الي شايفين نفسهم يتريقوا على اغراضي وعلى شعري عشان كنت قاصته بوي (على فكرة حتى انا ما كانت عاجبتني القصة )وقعدت سنة كاملة اروح المدرسة لابسة طرحه لغاية ما طول شعري علشان لحد يتريق علي أحزن
حاقده على البنات دول لليوم خخخخخ
عادواحده قابلتها في الكليه لما كبرنا وماشفتها قيد من هديك المرحلة وكانت حامل بس حزنت عليها وسامحتها لأنها ضربتني على عيني بلوحة فلين وجا ركنها في عيني بس ما كانت تقصد كانت بتلعب بيها وتفرفرها يمين يسار على جيتي وانجرحت قرنيتي وحالتي حاله كانت مأساة الإبتدائي

- أفضل المدرسين اللي مروا عليك ؟

الإبتدائي
سنة ثالث ابتدائي:أبلة سلوى البطة كانت مرررة تحبني وتدلعني وتوقف الفصل كله اذا ما سمع الكلام وتجلسني (طبعاً غلط)حسيت البنات حقدوا علي
وابلة سناء حقت الإنجليزي
في المتوسط:أبلة هند حقت العربي
في الثانوية:أبلة فوزية فارع مدرسة رائعة ورهيبة كانت معانا واخلاقها عاليه وكنت اعتبرها زي الأم في المدرسة والى الآن متواصلة معاها
في الجامعه:ولا ااااا مدرسة

أحب المواد اللي درستها ؟

طبعاً لغة عربية
انجليزي

أكره المواد اللي مرت عليك ؟

التاريخ_المواد العلمية خاصة الكيمياء والفيزياء

آخر شهادة علمية حصلت عليها , وتخصصك ؟

بكالوريس لغه عربية

أطرف موقف مر عليك في دراستك ؟

يوه يا مكترها حقلكم كم موقف كنت في المتوسط وكان الإختبار النهائي لمادة التعبير وكان السؤال اختاري احد الموضوعين واحد كان عن وصف الربيع والتاني اكتبي قصة من تأليفك ..عاد انا اخترت القصة وسويت فلم هندي وقصة حزينة لدرجة اني بكيت مع القصة هههههه(دخلت جو) والمراقبة تسألني فيك شي وانا اقلها لا مابقي في الفصل غير انا وكم بنت يحسبوني مني عارفة اعبر بعدين راحوا نادوا ماما وكانت وكيلة في نفس المدرسة وشافت الدموع في عيني سارت تأشرلي وتقلي اشبك وانا اقلها مافي شي لمن خلصت الإمتحان رحتلها وقالتلي اشبك تبكي قلقتيني قلتلها لا مافي شي بس اندمجت مع القصة الحزينة الي انا كاتبها كان وددها ترميني بالي في يدها خخخ ماالومها بعدين سيرتي سارت على كل لسان من المدرسات ماما حكتهم وبس يضحكوا علي وافشيلتاه
و اتزكر مرة في حصة الجغرافيا بالثانوي كانت المدرسة بتشرح وانا كنت الله يكرمكم مفسخه جزمتي وفجأة تندار علي وتقلي قومي حددي المدينة على الخريطة وانا من الفجعه لبست فردة والتانية لا وجيت طالعه وانتبهت وقعدت البس في الجزمة التانية وكانت حفلة عشان تتلبس وهي تطالع في والبنات يطالعوا في قمت دخلتها اي كلام وطلعت على السبورة اعرج ....مرة كان فشللللة لأني لبست الجزمة وما دخلت صح

ومرة بعد تخرجنا من الثانوية جينا انا وكم وحده من صحباتي للمدرسة نسلم على مدرساتنا وكانت المديرة حقتنا شريرة وقالوا البنات خلينا نسلم عليها قلتلهم اش تبوا فيها كشرة وبس تضارب قالوا لا معليش اشا تبا فينا نحن اتخرجنا محتقول شي ومدريش قلت طيب اجي معاكم بس ماراح اتكلم معاها ورحنا وسلمنا وانبسطت المديرة الا وهي في نص المدح ينقلب ذم قعدت تهزأنا على لبسنا عشان كم قصير ومايلائم المكان واخدنا على راسنا ولما طلعت قعدت اضحك على البنات وقلتلهم قايلتلكم ما سمعتوني

- أصعب موقف مر عليك في دراستك ؟

كان عندي اختبار نحو وكان الكتاب شرح ابن عقيل ندرس منه في كل سنوات الكلية فلمن نخلص الترم احط علامة مكان ما خلص علشان لمن نبدأ الترم التاني اعرف من فين بدأنا ولما جا الإمتحان النهائي جيت ابغا ابدأ اذاكر ما لقيت العلامة وبدأت من مكان ما اتزكرت وقعدت ازاكر لغاية الساعه 9 الليل وبعدين كلمتني صاحبتني وكنا بنتكلم وجات سيرة المرزاكرة واكتشفت منها اني بزاكر في جزء الترم الأول وقعدت ابكي على الوقت الي راح على الفاضي وعلى الوقت الي باقيلي ما ادري اذا يمديني ازاكر الباقي ولا لا بس حمد لله عدت على خير ونجحت
في موقف تاني كمان لما جيت اختبر في الثانوية جغرافيا وتعرفوا قبل ما يبدأ الإختبار البنات يتكلموا ويحاولوا يتزكروا بعض المعلومات الي زاكروها وانا اسمع منهم واحس نفسي ما زاكرت ولا شي كأنهم يقولوا معلومات جديدهفجأة والأوراق تتوزع نزل علي البكا وصرت ابكيييييييييي وابكيييييييي والأبلة تسكت في وصاحبتي تسكت في وانا ابداً البكا نزل علي خخخخخ بس لمن هديت والحمد لله حليت خخخخخ

أمرر الواجب لـ
روزي بينك دريمز
رد روز

و إلى صاحبة مدونة لاشئ يمنعنا ابعد من انوفنا

فطور

بان كيك صغنوط

الحر الشديد

يالله حر حر حر
حتى وانا نايمة والمكيف شغال حرانة وكمان بيتنا غربي احر واحر في العصرية
شوفوا في دي الصورة درجة الحرارة كم

الله يرحمنا

________

مالي خلق شي

صور مضحكة

هدول عزوز وعبود وهم صغار

ولما كبروا شويه ..ادا الباص حقهم

وهلولة قلتلها اضحكي مدري اش سوت هههه

مناظر طبيعية

هادي صور الجمال الي قلتلكم عليها احلى شي انو بيضحك ههههه

قربت من الجمل كتير لدرجة اني خفت ينط علي بس طلع هو الي خاف مني بعد ما صورته قعد ينطنط وهرب

ليلة خاوية

والرؤية بمنظور آخر

ولحظة صفاء مع الطبيعه

بحررررررر

رحنا الويك اند البحر..وكانوا أولادنا في قمة انبساطهم بالبحر وكان الجو حلو في الفجر وقريب المغرب غير كده حررر بس عند الأطفال مو مشكلة..هادي صورهم أول شي الصغير الي ليس له حول ولا قوة والي اخد انواع الضربات في الراس لأنه دوبوا يتعلم يمشي

أهم شي اللعب بالرمل

واحد منشكح

ووحده منشكحة

والثالث يضحك ومعطيني نص وجهه مو فاضي

في الطريق الرجعه شفت جمال وصورتها وكنت قريبة منها خفت تهجم علي كويس صورتها ومشينا بسرعه لأنها نطت بعد التصوير شكلها خافت وانا خفت ههههه اوريكم هي في البوست القادم بإذن الله