رز بخاري

سويت قبل كم رز بخاري
امكن تختلف الطريقة من ناس لناس بس هادي طريقتي
طبعاً اول شي المقادير
جزر,بصل مقطع صغير,طماطم معصورة مع صلصة

نكشن البصل

ثم نضع الدجاج المسلوق نص سلقة

نضع الصلصة وملح وفلفل أسود وشوية كمون

ولما يقرب الدجاج يستوي نضيف الجزرفي ناس يحطوا بليلة معاه بس انا ما احبها مع الرز البخاري

لما يستوي الدجاج نطلعه بره ونرمي الرز في المرقة واذا نقصت الموية نزيد والدجاج ممكن تحمريه وجهه من فوق وممكن يتاكل مع الخلطة

ولما يستوي الرز وتغرفيه في صحن حطي الدجاج المحمر فوقه وسوي معاه سلطة أو دقوس وبالهنا والعافية
سوري نسيت اصور اهم شي الطبق
طفحناه بالعافيه علينا ههههههه وحده مرة جيعانه

جزر غريب

اشتريت جزر قبل كم يوم كان شكله عادي لما طلعت منه ابا استخدمه لقيته كده مدري كيف طلعت جذور
وكل الجزر كده سار شكله استخدمته طبعاً بس بعد ما قشرته كله من الجذور حسبته خربان بس طلع كويس مابه شي

بيتي الجديد

احم احم دقوا الباب ولحد يضحك علي
تن تون
المدخل

غرفة النوم

المطبخ

الحمام

طاولة الطعام

شفت اولادي يلعبوا ببيت صغير حنيت لأيام اللعب بدي البيوت واشتريتلي واحد بناتي ممنوع لعب اولادي فيه خخخخخخ

What Color Is Your Aura?

This a test about your Aura: nice

http://www.gotoquiz.com/what_color_is_your_aura_2

my result is: pink

You are tender, romantic, and shy. You have great compassion, grand dreams, and are the type of person often described as "in love with love." Pinks love art, music, great literature, beauty, and romance. They are generous with their money, giving much to charity, and often work in the arts.

حفلة للأطفال

أمس رحت لقريبتي وعملت حفلة للأطفال بمناسبة العيد والله مرررة انبسطوا الله يعطيها العافية واولادي مرة عجبتهم الحفلة
أول شي حطتلهم العيديات في بلونات يفقعوا البلونة وكل واحد هو وحظه وكان في خمسين ريال موجودة في احد البلونات وكانت من حظ عبودي ماشالله
عملتلهم العاب حركية زي الكراسي الموسيقية
تغميض العين والنط فوق الأشياء الأشياء
رمي الكور في المكان المخصص
شد الحبل الي انتهى بمعركة

تغميض العين برباط والأم تحاول ترشد الطفل على المكان الي المفروض يلونه
برضه ربط العين والأم ترشد الطفل على مكانها ويحاول يلاقيها بصوتها
كمان لعبة الهدية الي تدور وكل واحد يفتح تجليده الين ما توصل لآخر تجليده وتكون من نصيب صاحبها وكانت من نصيبي خخخخخخ هادي الهدية

آخر شي وزعت عليهم أكياس فيها حلويات وبلونات

كانت ليلة روعه للأمهات والأطفال
الشكر طبعاً لصاحبة الحفلة جزاها الله خير وتستاهل كل خير

نجوم الحفلة بس في واحد هرب ههههههه

رحلة بحرية

اشكر كل من علق في بلقي شكراً لك يا ربيع ويا ار اند جي سوري مو راضي ينكتب بالإنجليزي ينقلب الكلام ترا حاولت اعلق في بلقك مو راضي ما ادري ليه بس بلقك حلو وعجبني وكلماتك عجبتني افكر في المستقبل اكتب الفصحى احلى من العامي وكمان

آخر الأخبار رحنا البحر يومين كده مع اهلي واهل زوجي وانبسطنا والحمد لله
هدولا الشباب بيصيدوا

والأولاد بيلعبوا

هادي رسمة عزوز على الرمل مدري ليه وش حززين وهو مبسوط

نسيت اوريكم هالة بفستان العيد

وأولادي بالدقل

وولد العيد الي لعب لعب بالبلونات لما طاح ونام

هههههههههه

فرحة العيد

أحلى شي في العيد فرحة الأطفال في عيونهم

مرة انبسطت وانا اتفرج على اولادي وهم مبسوطين بالعيد الله يحفظهم يارب طبعا ليلة العيد نفخنالهم بلونات كتيييييييييييييييرة ولبسناهم بجايم العيد وحطينا زينات وهدياتهم حطيناها وسط البلونات عاد دخلوا مبسوطييين عبودي جري على البلونات ونسي الهدية ههههههه رايح جاي وعزوز يخاف من البلونات قعد يطالع اخوه بخوف ويقله تعال هنا شوف هديتك يبغى يصرفه عشان يخاف لاتنفقع البلونة
هادي صورتهم لما غطسوا في البلونات ترا كانوا لابسين بجايم العيد بس صارت حوادث على الملابس واتغيرت قبل التصويرلحقت عزوز بس بالبجامة

وهادا الفستان لهاله عملته بس معليه كانت مبوزة مدري على ايش ماقدرت اخد صورة تانية بس حبيت اوريكم الفستان

ودول عزوز وعبود بعد صلاة العيد ماشالله عليهم

دا عزوز ببجامة العيد الي اتوسخت بعد شوية من التقاط الصورة وعبود مالحقت اصوره بيها

الهدايا

وعيدكم مبارك

كل عام وأنتم بخير

كل سنة وانتم طيبين
عيد سعيد على الجميع وبهادي المناسبة ارسلت لأهلي كروت بمناسبة العيد

وكمان لبنت خالتي العزيزة كرت الكترونيييييي مو نحن عصر التكنولوجيا
شكراُ لأختي على التصميم

يالله انبسطوا بالعيد

قرب العيد

باقي اسبوع ويخلص رمضان الله يعوده علينا على مر السنين مدري ليه حاسة انه اليوم ليلة القدر هدوء وسلام حتى الجيران المزعجين الي كل يوم ازعاجهم واصلنا اليوم هدوء اليوم ليلة خمسة وعشرين الله يجعلنا من الي يلحقوا ليلة القدر يارب آخر أخباري اشتركت في مسابقة في المسجد اسئلة عن رمضان وكنت من ضمن الفائزات في المسابقة الحمد لله (صراحه اجتهدت دي السنة في الحل)خخخ وحده صدقت نفسها وكانت هادي جائزتي

والله جات في وقتها على العيد ..خاصة وان الميزانية دحين لا تسمح بشراء حاجات زيادة ..اممم كمان عملت شيين لليع الي حابب يشتري وجاد يكتبلي في الكومينت
دي الشنطة

ودي زي البوك

ألف مبروك بابا

بابا ماشالله اترقى للمرتبة التاسعه في شغله الله يبارك له فيه وجبتله هدية ساعه وارسلتها ببريد ألما اكسبرس ولكن لللأسف قعدت سبعه أيام حتى وصلت مع اننا نتعامل معاهم دايما بس على الحظ غيروا السواق الي يوصل الطلبيات لمكة وكان سواق تعيس يأخر الطلبيات وأمس بعد العديد من المكالمات وبعد التنطيش حقهم وعدم ردهم للتلفون وصلت اخيراً الهدية الله يوفق بابا انشالله في شغله

حكاية أخرى:ابر المكينة حقتي اتكسرت... قبل كم يوم اتكسرت الإبرة التالتة يعني مو كسرتها كلها في يوم واحد بينهم فترات مو تحسبوني خايبة في الخياطة المهم جبلي امس اللع يعطيه العافية زوجي ابر تانية بس لسه ما ادري هل هي تركب ولا ماا تركب؟لأنه ما جاب نفس النوع

أمس كمان رحت لروزي بينك دريمز وكملت كروت العيد بورقها وأشياءها الله يعطيها العافية ان شالله على العيد احط صور الكروت التي هي من صنع يدي وأشياء أخرى

باااي

استعدادات العيد

طبعاً قبل العيد بفترة بنستعد له بالهدايا والأفكار وبما اني ماراح اقدر احط صور للهدايا فحطيت صورة لهدايا العام مجموعه جنب بعض
دحين باقيلي بقية كروت العيد وبقية هدايا العيد وتجليدهم طبعاً وووو باقي مدري ايش نسيت
في حاجة خيطتها من هدايا العيد وخربت علي باقيلي اعيدها مرة اخرى ..
مني عارفة اش اسوي فطور لبكرة طفشت من السمبوسك نفسي في فوتتشيني ..
المهم كأني طلعت عن الموضوع خخخخخخ

أما صورة فستان البنوتة الي تحت عجبني حلو حق عيد للي عندهم بنات لحد يقلي عقبالك خلاص عندي بنات والحمد لله

ودا الفستان ذكرني بسندريلا وعالم الأميرات الرقيقات كيوت

ادري الصورة مو واضحه دول عزوز وهالة السنة الي فاتت

ودا موديل فستان عجبني كمان

أكلات رمضانية

عملت قبل كم يوم خلية نحل يممممي وبما اني مني عارفة اش اكتب حطيت الخلية
اتفضلوا كلوا

my foot

along time ago i don't really care a bout my foot so, i decided to make a body care to it.i was brought glysoud cream ,tools of body care and every thing in a picture then , i put my foot in the worm water few second then i work on it with a foot tools and this result:
sooooooooooooft foot , if you want to keep your foot softy a lot of time wearing socks.


if there is any mistake in my English language tell me.

عدت إليكم من جديد

بعد معاناه من الألم والصراعات النفسية مع المرض الحمد لله خفت عيني كتييييييييييير وتماثلت تقريبا للشفاء والله الحمد لله على النعمة الواحد ماحس بالشي الا لما يتأذى فيه..
جات للأولاد من جدتهم هدي الشنطة الحلوة عجبوني مرة وعجبوا الأولاد الله يعطيها العافية حجمهم صغير وتنفع للأولاد مو كل شي في السوق للبنات بس ..هيهيهيهي

أخبار نبتتي طلعتلها اوراق انشالله ما تموت بس

الطفش يطلع الإبتكارت والإبداعات زي كل الي ماشالله استوحيت منهم فكرة الشنط ومرات لما اكون طفشانه تجي في بالي الأفكار الفنية بس متى حتى تتنفذ دي الشنطة لها شهر ولسه ما خلصتها باقي اخيط البطانه من بره مع الأولاد الوقت يروح وماشالله ماصاروا يناموا النهار كبروا ومقدر اسوي شي الا وقت نومهم الله يحفظهم

لاتعليق

مافي اكتب

كل سنة وانتوا طيبين

امكن ما اقدر اكتب كم يوم نفسيتي تعبانة شوية عيني مازالت منفوخه وراسي بيصدع واتنفخت زيادة عيني ورحت لدكتور تاني بسس مدري اشبي كارهة نفسي دي اليومين ومتنكده من غير شي امكن مع المرض

عين متورمة

عشان تتعظوا مني لا تناموا بالمكياااااااج أبداً
أختكم في الله كانت حاطة مكياج وقبل لا تنام مسحته الا المسكرة عجزت عن مسحها هادي آخرة العجز ونمت بيها وصحيت لقيت نفسي برعي ههههههه عيني كانت تعورني من الزاوية تحت الجلد شطفتها كم مرة طبعا مسحت المسكرة اول مرة -بعد ايش_وحطيتلها شاهي بس كل ماله يزيد الألم اليوم صحيت ولقيتها ورمانه من تحت العين كأنه احد ضربني بكس في عيني ومازالت تؤلمني شكلي حروح الدكتووووور الله يستر اش حيطلع؟ يالله اراكم على خير بعيون سليمة

get your wedget

ادخلوا الموقع دا فيه اختبار للشخصية عن طريق الصور

http://dna.imagini.net/friends/

اللنك على طول على الإختبار

ترى رهيييييب
انا طلعت
sofisticat

عن الرحلة

للأسف الشديد صار حادث أليم لكاميرتي الي كنت دايماً أصور بيها واحط صورها في دا البلق
الي صار اني كنت معلقتها على الكرسي حق البحر لما كنت بتفرج على البحر ورحت وجيت ومشيت وانا ماشية اشوف كاميرتي بتطفو مع امواج البحر.... انا عيوني طلعت كيف طاحت مدري وبسرعه شلتها حاولت اشغلها مو راضية واااااااع خربت خلاص بس الحمد لله إن الميموري كارد تبعها اشتغل لما نشفت وكنت بحط صور الغروب والبحر بس الصور مو عندي ان شالله لما احولها على جهازي انزلها

i am home

al7mdllah i came home yesterday,i spend the last few days in the beatch,tomoro inshalla i will tell the story.

كوكتيل

باركولي غيرت كنب الصاله باقيلي اجيب مخدات ملونة علشان يصير شكله أحلى او يمكن انا اخيطهم درنا درنا كل الألوان عفنة وكل الفواتح حلوين وهادا جلسته مريحه ولون مو بيج فاتح زي الشاي بالحليب شفناه وما اخدناه بعدين ربي خيرنا عليه

شوفوا الصورة الي تحت تجننننننن نعومة مدري حقت ايش بس مرة عجبتني صغيييرة قد الكف بس كأنها زي الفساتين الحقيقية الكبيرة

هادي آخر حاجة عملتها كيس قماش للتسوق او للرحلات الصغيرة ينفع تحطي فيه قارةرة موية بساكيت للبحر بترون كيس البقاله اخدته من دا الرابط
http://bntmofeid.com/vb/showthread.php?t=323
مدري كيف اخلي الرابط ينضغط عليه
هم أصلا ماخدينه من موقع انجليزي انا اول مرة شفته هناك بس نسيت اسيفه ولما شفته في دا الموقع قلت خليني اسويه قبل لا انسى